Ang Aking Pilosopiya sa Pagtuturo

 

Ang aking pilosopiya sa pagtuturo

 NI: DAN ARIES TEJADA PASCUA

 BAKIT AKO NAGTUTURO?

• Maibahagi sa mga kabataan ang mahalagang kaalaman, karanasan at kasaysayan na dapat nilang malaman at matutunan.
• Mahubog ang kakahayan ng mga mag-aaral para sa pagbuo ng magandang kinabukasan sa hinaharap.
• Makatulong sa mga kabataan na magkaroon ng positibong pananaw para harapin ang bukas ng may lakas ng loob at pag-asa.
•  Pahalagahan ang wika higit lalo ang wikang Filipino bilang instrumento ng pakikipagkomunikasyon at daan sa maayos at mahusay na pagkakaunawaan.
• Higit sa lahat, ito ay tungkulin na ating sinumpaan, makapagbigay ng dekalidad na edukasyon sa bawat mag-aaral na nangangarap.

ANO ANG AKING TINUTURO?

• Paano harapin ang reyalidad ng buhay na may tiwala sa sarili at sa kapwa.
• Pagkakaroon ng bukas na isipan sa pagtanggap at pagpapahayag ng damdamin, saloobin at kaisipan.
•  Pagiging mapanuri at mapagsiyasat sa bawat impormasyong nababasa o napapakingan.
• Pagiging mahusay sa pakikipagtalastasan at paghubog sa kanila ng 21st Century Skills
•  Paghubog hindi lamang sa larangan ng akademiko bagkus pati na rin ang moralidad at pagkakaroon ng takot sa Poong Maykapal.

 

PAANO AKO MAGTURO?

• Pagsaalang-alang sa iba’t ibang learning style ng bawat mag-aaral para sa epektibong pagkatuto
• Paggamit ng makabagong teknolohiya, tulad ng mga online quiz, mga laro at panuodin na may kaugnayan sa aralin.
• Paglalapat ng kani-kanilang sariling karanasan  sa bawat aralin na aming tinatalakay para sa maayos na daloy ng talakayan.
• Pagdadama sa bawat mag-aaral ang kahalagahan ng edukasyon sa pag-abot ng kanilang mga pangarap.
• Pagiging bukas ang isipan sa bawat mag-aaral na hindi lamang ako isang guro kundi isang tropa, kaibigan o magulang na maaari nilang masandalan sa oras ng kanilang pangangailangan.

PAANO KO MASASABI NA EPEKTIBO ANG AKING PAMAMARAAN NG PAGTUTURO?

•  Pagkakaroon ng maayos at matibay na pakikipag-ugnayan sa mga magulang at mag-aaral.
•  Sa pagkakaroon ng produktibong likha ng mga mag-aaral mula sa kanilang mga natutunan.
• Pagbibigay na pasulat o pasalita na pagsusulit upang matiyak ang kanilang ganap na pagkatuto.
• Pagkakaroon ng conducive learning environment para maramdaman ng mga mag-aaral masaya at masarap mag-aral.
• Paghingi at pagtanggap ng mga positibong at negatibong pidbak mula sa mga magulang, mag-aaral at kapwa guro.